Qazaqstan Respýblıkasy Energetıka mınıstrligniń buıryǵy №172

  2016 jylǵy 22 sáýir , Astana qalasy Energııa óndirýshi uıymdardyń kúzgi-qysqy kezeńde paıdalanatyn otyn qorynyń normalaryn bekitý týraly «Elektr energetıkasy týraly» 2004 jylǵy 9 shildedegi Qazaqstan Respýblıkasynyń Zańy 5-babynyń 46) tarmaqshasyna sáıkes buıyramyn: 1. Qosa berilip otyrǵan energııa óndirýshi uıymdardyń kúzgi-qysqy kezeńde paıdalanatyn otyn qorynyń normalary bekitilsin. 2. Qazaqstan Respýblıkasy Energetıka mınıstrliginiń Atomdyq jáne energetıkalyq qadaǵalaý men baqylaý komıteti Qazaqstan Respýblıkasynyń zańnamasynda belgilengen tártippen: 1) osy buıryqty Qazaqstan Respýblıkasynyń Ádilet mınıstrliginde memlekettik tirkeýdi; 2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin onyń kóshirmelerin kúntizbelik on kún ishinde merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa, sondaı-aq tirkelgen buıryqty alǵan kúnnen bastap bes jumys kúni ishinde Qazaqstan Respýblıkasy Ádilet mınıstrliginiń «Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornyna jiberýdi; 3) osy buıryqty Qazaqstan Respýblıkasy Energetıka mınıstrliginiń resmı ınternet-resýrsynda jáne memlekettik organdardyń ıntranet-portalynda ornalastyrýdy; 4) osy buıryqty Qazaqstan Respýblıkasynyń Ádilet mınıstrliginde memlekettik tirkegennen keıin on jumys kúni ishinde Qazaqstan Respýblıkasy Energetıka mınıstrliginiń Zań qyzmeti departamentine osy tarmaqtyń 2) jáne 3) tarmaqshalarymen kózdelgen is-sharalardyń oryndalýy týraly málimetterdi berýdi qamtamasyz etsin. 3. Osy buıryqtyń oryndalýyn baqylaý jetekshilik etetin Qazaqstan Respýblıkasy Energetıka vıse-mınıstrine júktelsin. 4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Energetıka mınıstri Q. BOZYMBAEV «KELISILGEN» Qazaqstan Respýblıkasynyń Ulttyq ekonomıka mınıstri ____________ Q. Bıshimbaev 2016 jylǵy 29 maýsym Qazaqstan Respýblıkasy Energetıka mınıstriniń 2016 jylǵy 22 sáýirdegi №172 buıryǵymen bekitilgen Energııa óndirýshi uıymdardyń kúzgi-qysqy kezeńde paıdalanatyn otyn qorynyń normasy 1. Qatty jáne suıyq otynmen jumys isteıtin energııa óndirýshi uıymdar úshin: 1) jetkizý qashyqtyǵy 200 kılometrge deıin bolǵanda 10 táýlikke arnalǵan negizgi jáne rezervti otyn mólsheri; 2) jetkizý qashyqtyǵy 200 kılometrden astam bolǵanda 20 táýlikke arnalǵan negizgi jáne rezervti otyn mólsheri. 2. Gaz tárizdi otynmen jumys isteıtin energııa óndirýshi uıymdar úshin, olarda qatty otyn jáne (nemese) mazýt: avarııalyq otyn, 5 táýlikke arnalǵan otyn mólsheri; rezervti otyn, 10 táýlikke arnalǵan otyn mólsheri bolyp tabylady. 3. Mazýt jaǵatyn otyn bolyp tabylatyn energııa óndirýshi uıymdar úshin: 10 táýlikke arnalǵan otyn mólsheri, bul rette bir mezgilde jaǵylatyn agregattar sany: elektr stansııasynda – nomınaldy ónimdiliginen 30%-ǵa deıin júktemesi bar 4h200 megavatt, 3h300 megavatt jáne odan joǵary bloktardan; jylý elektr ortalyǵynda – nomınaldy ónimdiliginen 30%-ǵa deıin júktemesi bar eki eń úlken qazannan aspaýǵa tıis. Buıryq Qazaqstan Respýblıkasynyń Ádilet mınıstrliginde 2016 jylǵy 28 shildede Normatıvtik quqyqtyq kesimderdi memlekettik tirkeýdiń tizilimine №14033 bolyp engizildi.